ガリア戦記 第5巻/注解/24節

C · IVLII · CAESARIS · COMMENTARIORVM · BELLI · GALLICI

LIBER · QVINTVS

原文テキスト

24.    ¹Subductis navibus, concilioque Gallorum Samarobrivae peracto, quod eo anno frumentum in Gallia propter siccitates angustius provenerat, coactus est aliter ac superioribus annis exercitum in hibernis collocare, legionesque in pluris civitates distribuere.     ²Ex quibus unam in Morinos ducendam C. Fabio legato dedit, alteram in Nervios Q. Ciceroni, tertiam in Esubios L. Roscio;     quartam in Remis cum T. Labieno in confinio Treverorum hiemare iussit.    ³Tris in  ^†Belgis^†  collocavit:     eis M. Crassum quaestorem et L. Munatium Plancum et C. Trebonium legatos praefecit.     ⁴Unam legionem, quam proxime trans Padum conscripserat, et cohortis V in Eburones, quorum pars maxima est inter Mosam ac Rhenum, qui sub imperio Ambiorigis et Catuvolci erant, misit.    ⁵Eis militibus Q. Titurium Sabinum et L. Aurunculeium Cottam legatos praeesse iussit.    ⁶Ad hunc modum distributis legionibus, facillime inopiae frumentariae sese mederi posse existimavit.    ⁷Atque harum tamen omnium legionum hiberna, praeter eam quam L. Roscio in pacatissimam et quietissimam partem ducendam dederat, milibus passuum centum continebantur.    ⁸Ipse interea, quoad legiones collocatas munitaque hiberna cognovisset, in Gallia morari constituit.

---

テキスト引用についての注記

^† ～ ^† : 校訂者がテクストが壊れていると見なした箇所。α系写本では Belgis、β系写本では Belgio となっている。

整形テキスト

XXIV.    ^①Subductīs nāvibus, conciliōque Gallōrum Samarobrīvae perāctō, quod eō annō frūmentum in Galliā propter siccitātēs angustius prōvēnerat, coāctus est aliter ac superiōribus annīs exercitum in hībernīs conlocāre, legiōnēsque in plūrēs cīvitātēs distribuere.    ^②Ex quibus ūnam in Morinōs dūcendam Gāiō Fabiō lēgātō dedit, alteram in Nerviōs Quīntō Cicerōnī, tertiam in Esubiōs Lūciō Rosciō;    quārtam in Rēmīs cum Titō Labiēnō in cōnfīniō Trēverōrum hiemāre iussit.    ^③Trēs in Belgīs conlocāvit:      iīs Mārcum Crassum quaestōrem et Lūcium Munātium Plancum et Gāium Trebōnium lēgātōs praefēcit.    ^④Ūnam legiōnem, quam proximē trāns Padum cōnscrīpserat, et cohortēs quīnque _(V) in Eburōnēs, quōrum pars maxima est inter Mosam ac Rhēnum, quī sub imperiō Ambiorīgis et Catuvolcī erant, mīsit.    ^⑤iīs mīlitibus Quīntum Titūrium Sabīnum et Lūcium Aurunculēium Cottam lēgātōs praeesse iussit.    ^⑥Ad hunc modum distribūtīs legiōnibus, facillimē inopiae frūmentāriae sēsē medērī posse exīstimāvit.    ^⑦Atque hārum tamen omnium legiōnum hīberna, praeter eam quam Lūciō Rosciō in pācātissimam et quiētissimam partem dūcendam dederat, mīlibus passuum centum continēbantur.    ^⑧Ipse intereā, quoad legiōnēs conlocātās mūnītaque hīberna cognōvisset, in Galliā morārī cōnstituit.

---

注記

• 原文の cohortīs, collocāre, collocātās, collocāvit, eīs, plūrīs, trīs などは、
  それぞれ cohortēs, conlocāre, conlocātās, conlocāvit, iīs, plūrēs, trēs などとした。

注解

1項

語釈

訳文

• 訳文は、ガリア戦記_第5巻#24節

関連項目

• ガリア戦記
  • ガリア戦記/注解編
    • ガリア戦記 第5巻/注解
  • ガリア戦記/用例集

外部リンク

• #198 - C. Iuli Caesaris De bello gallico libri VII : Caesar's Gallic ... - Full View | HathiTrust Digital Library