C · IVLII · CAESARIS · COMMENTARIORVM · BELLI · GALLICI
LIBER · SEXTVS
| ガリア戦記 注解編 | 第6巻 |
|---|
原文テキスト
編集[1] 8.
1Vix agmen novissimum extra munitiones processerat, cum Galli, cohortati inter se ne speratam praedam ex manibus dimitterent ──longum esse perterritis Romanis Germanorum auxilium exspectare; neque suam pati dignitatem ut tantis copiis tam exiguam manum, praesertim fugientem atque impeditam, adoriri non audeant── flumen transire et iniquo loco committere proelium non dubitant. 2Quae fore suspicatus Labienus, ut omnis citra flumen eliceret, eadem usus simulatione itineris placide progrediebatur. 3Tum praemissis paulum impedimentis atque in tumulo quodam collocatis, 4 ʻHabetis,ʼ inquit, ʻmilites, quam petistis facultatem: hostem impedito atque iniquo loco tenetis: praestate eandem nobis ducibus virtutem, quam saepe numero imperatori praestitistis, atque illum adesse et haec coram cernere existimate.ʼ 5Simul signa ad hostem converti aciemque dirigi iubet, et paucis turmis praesidio ad impedimenta dimissis, reliquos equites ad latera disponit. 6Celeriter nostri clamore sublato pila in hostis immittunt. Illi, ubi praeter spem quos fugere credebant infestis signis ad se ire viderunt, impetum modo ferre non potuerunt ac primo concursu in fugam coiecti proximas silvas petierunt. 7Quos Labienus equitatu consectatus, magno numero interfecto, compluribus captis, paucis post diebus civitatem recepit. Nam Germani qui auxilio veniebant percepta Treverorum fuga sese domum receperunt. 8Cum his propinqui Indutiomari qui defectionis auctores fuerant comitati eos ex civitate excesserunt. 9Cingetorigi, quem ab initio permansisse in officio demonstravimus, principatus atque imperium est traditum.
- テキスト引用についての注記
整形テキスト
編集[2] VIII. ①Vix agmen novissimum extrā mūnītiōnēs prōcesserat, cum Gallī, cohortātī inter sē nē spērātam praedam ex manibus dīmitterent ──longum esse perterritīs Rōmānīs Germānōrum auxilium exspectāre; neque suam patī dīgnitātem ut tantīs cōpiīs tam exiguam manum, praesertim fugientem atque impedītam, adorīrī nōn audeant── flūmen trānsīre et inīquō locō committere proelium nōn dubitant. ②Quae fore suspicātus Labiēnus, ut omnēs citrā flūmen ēliceret, eādem ūsus simulātiōne itineris placidē prōgrediēbātur. ③Tum praemissīs paulum impedīmentīs atque in tumulō quōdam conlocātīs, ④ʻHabētis,ʼ inquit, ʻmīlitēs, quam petīstis facultātem: hostem impedītō atque inīquō locō tenētis: praestāte eandem nōbīs ducibus virtūtem, quam saepe numerō imperātōrī praestitistis, atque illum adesse et haec cōram cernere exīstimāte.ʼ ⑤Simul signa ad hostem convertī aciemque dīrigī iubet, et paucīs turmīs praesidiō ad impedīmenta dīmissīs, reliquōs equitēs ad latera dispōnit. ⑥Celeriter nostrī clāmōre sublātō pīla in hostēs inmittunt. Illī, ubi praeter spem quōs fugere crēdēbant īnfēstīs signīs ad sē īre vīdērunt, impetum modo ferre nōn potuērunt ac prīmō concursū in fugam coniectī proximās silvās petiērunt. ⑦Quōs Labiēnus equitātū cōnsectātus, magnō numerō interfectō, complūribus captīs, paucīs post diēbus cīvitātem recēpit. Nam Germānī quī auxiliō veniēbant perceptā Trēverōrum fugā sēsē domum recēpērunt. ⑧Cum hīs propinquī Indūtiomārī quī dēfectiōnis auctōrēs fuerant comitātī eōs ex cīvitāte excessērunt. ⑨Cingetorīgī, quem ab initiō permānsisse in officiō dēmōnstrāvimus, prīncipātus atque imperium est trāditum.
- 注記
- 原文の coiectī, collocātīs, hostīs, immittunt, omnīs などは、
それぞれ coniectī, conlocātīs, hostēs, inmittunt, omnēs などとした。
注解
編集1項
編集
- 語釈
訳文
編集- 訳文は、ガリア戦記_第6巻#8節
脚注
編集- ^ 原文テキストについてはガリア戦記/注解編#原文テキストを参照。
- ^ 整形テキストについてはガリア戦記/注解編#凡例を参照。