ガリア戦記 第4巻/注解/17節

C · IVLII · CAESARIS · COMMENTARIORVM · BELLI · GALLICI

LIBER · QVARTVS

原文テキスト

17.    ¹Caesar his de causis quas commemoravi Rhenum transire decreverat,    sed navibus transire neque satis tutum esse arbitrabatur neque suae neque populi Romani dignitatis esse statuebat.    ²Itaque, etsi summa difficultas faciendi pontis proponebatur propter latitudinem, rapiditatem, altitudinemque fluminis, tamen id sibi contendendum aut aliter non traducendum exercitum existimabat.     Rationem pontis hanc instituit.    ³Tigna bina sesquipedalia paulum ab imo praeacuta, dimensa ad altitudinem fluminis, intervallo pedum duorum inter se iungebat.    ⁴Haec cum machinationibus immissa in flumen defixerat fistucisque adegerat, non sublicae modo derecte ad perpendiculum sed prone ac fastigate, ut secundum naturam fluminis procumberent,    ⁵eis item contraria duo ad eundem modum iuncta intervallo pedum quadragenum ab inferiore parte contra vim atque impetum fluminis conversa statuebat.    ⁶Haec utraque insuper bipedalibus trabibus immissis, quantum eorum tignorum iunctura distabat, binis utrimque fibulis ab extrema parte distinebantur;    ⁷quibus disclusis atque in contrariam partem revinctis, tanta erat operis firmitudo atque ea rerum natura ut, quo maior vis aquae se incitavisset, hoc artius inligata tenerentur.    ⁸Haec derecta materia iniecta contexebantur ac longuriis cratibusque consternebantur;    ⁹ac nihilo setius sublicae et ad inferiorem partem fluminis oblique agebantur, quae pro ariete subiectae et cum omni opere coniunctae vim fluminis exciperent,    ¹⁰et aliae item supra pontem mediocri spatio ut, si arborum trunci sive naves deiciendi operis essent a barbaris missae, his defensoribus earum rerum vis minueretur neu ponti nocerent.

---

テキスト引用についての注記

整形テキスト

XVII.    ^①Caesar hīs dē causīs quās commemorāvī Rhēnum trānsīre dēcrēverat,    sed nāvibus trānsīre neque satis tūtum esse arbitrābātur neque suae neque populī Rōmānī dignitātis esse statuēbat.    ^②Itaque, etsī summa difficultās faciendī pontis prōpōnēbātur propter lātitūdinem, rapiditātem, altitūdinemque flūminis, tamen id sibi contendendum aut aliter nōn trādūcendum exercitum exīstimābat.    Ratiōnem pontis hanc īnstituit.    ^③Tigna bīna sēsquipedālia paulum ab īmō praeacūta, dīmēnsa ad altitūdinem flūminis, intervāllō pedum duōrum inter sē iungēbat.    ^④Haec cum māchinātiōnibus immissa in flūmen dēfīxerat fistūcīsque adēgerat,   nōn sublicae modo dērēctē ad perpendiculum   sed prōnē ac fastīgātē, ut secundum nātūram flūminis prōcumberent,    ^⑤iīs item contrāria duo ad eundem modum iūncta intervāllō pedum quadrāgēnum ab īnferiōre parte contrā vim atque impetum flūminis conversa statuēbat.    ^⑥Haec utraque īnsuper bipedālibus trabibus immissīs, quantum eōrum tignōrum iūnctūra distābat, bīnīs utrimque fībulīs ab extrēmā parte distinēbantur;    ^⑦quibus disclūsīs atque in contrāriam partem revīnctīs, tanta erat operis firmitūdō atque ea rērum nātūra ut, quō maior vīs aquae sē incitāvisset, hōc artius inligāta tenērentur.    ^⑧Haec dērēctā māteriā iniectā contexēbantur ac longuriis crātibusque cōnsternēbantur;    ^⑨ac nihilō setius sublicae et ad īnferiōrem partem flūminis oblīquē agēbantur, quae prō ariete subiectae et cum omnī opere coniūnctae vim flūminis exciperent,    ^⑩et aliae item suprā pontem mediocrī spatiō ut, sī arborum truncī sīve nāvēs dēiciendī operis causā essent ā barbarīs missae, hīs dēfēnsōribus eārum rērum vīs minuerētur neu pontī nocērent.

---

注記

注解

1項

語釈

訳文

• 訳文は、ガリア戦記_第4巻#17節

関連項目

• ガリア戦記
  • ガリア戦記/注解編
    • ガリア戦記 第4巻/注解
  • ガリア戦記/用例集

外部リンク

1. #64 - De Bello Gallico (IV) - Caesar - Latein.me

   　Caesar his de causis quas commemoravi rhenum transire decrevat; sed navibus transire neque satis tutum esse arbitrabatur neque suae neque populi romani dignitatis esse statuebat.

2. #65 - De Bello Gallico (IV) - Caesar - Latein.me

   　Itaque, etsi summa difficultas faciendi pontis proponebatur propter latitudinem, rapiditatem altitudinemque fluminis, tamen id sibi contendendum aut aliter non traducendum exercitum existimabat.

3. #66 - De Bello Gallico (IV) - Caesar - Latein.me

   　Tigna bina sesquipedalia paulum ab imo praeacuta dimensa ad altitudinem fluminis intervallo pedum duorum inter se iungebat.