C · IVLII · CAESARIS · COMMENTARIORVM · BELLI · GALLICI
LIBER · QVINTVS
| ガリア戦記 注解編 | 第5巻 |
|---|
原文テキスト
編集[1] 53.
1Interim ad Labienum per Remos incredibili celeritate de victoria Caesaris fama perfertur, ut, cum ab hibernis Ciceronis milia passuum abesset circiter LX eoque post horam nonam diei Caesar pervenisset, ante mediam noctem ad portas castrorum clamor oreretur, quo clamore significatio victoriae gratulatioque ab Remis Labieno fieret. 2Hac fama ad Treveros perlata, Indutiomarus, qui postero die castra Labieni oppugnare decreverat, noctu profugit copiasque omnis in Treveros reducit. 3Caesar Fabium cum sua legione remittit in hiberna, ipse cum tribus legionibus circum Samarobrivam trinis hibernis hiemare constituit et, quod tanti motus Galliae exstiterant, totam hiemem ipse ad exercitum manere decrevit. 4Nam illo incommodo de Sabini morte perlato omnes fere Galliae civitates de bello consultabant, nuntios legationesque in omnis partis dimittebant et quid reliqui consili caperent atque unde initium belli fieret explorabant, nocturnaque in locis desertis concilia habebant. 5Neque ullum fere totius hiemis tempus sine sollicitudine Caesaris intercessit, quin aliquem de consiliis ac motu Gallorum nuntium acciperet. 6In his ab L. Roscio [quaestore], quem legioni tertiae decimae praefecerat, certior factus est magnas Gallorum copias earum civitatum quae Aremoricae appellantur, 7oppugnandi sui causa convenisse neque longius milia passuum octo ab hibernis suis afuisse, sed nuntio allato de victoria Caesaris discessisse, adeo ut fugae similis discessus videretur.
- テキスト引用についての注記
整形テキスト
編集[2] LIII. ①Interim ad Labiēnum per Rēmōs incrēdibilī celeritāte dē victōriā Caesaris fāma perfertur, ut, cum ab hībernīs Cicerōnis mīlia passuum abesset circiter sexāgintā (LX) eōque post hōram nōnam diēī Caesar pervēnisset, ante mediam noctem ad portās castrōrum clāmor orerētur, quō clāmōre sīgnificātiō victōriae grātulātiōque ab Rēmīs Labiēnō fieret. ②Hāc fāmā ad Trēverōs perlātā, Indūtiomārus, quī posterō diē castra Labiēnī oppugnāre dēcrēverat, noctū profugit cōpiāsque omnēs in Trēverōs redūcit. ③Caesar Fabium cum suā legiōne remittit in hīberna, ipse cum tribus legiōnibus circum Samarobrīvam trīnīs hībernīs hiemāre cōnstituit et, quod tantī mōtūs Galliae exstiterant, tōtam hiemem ipse ad exercitum manēre dēcrēvit. ④Nam illō incommodō dē Sabīnī morte perlātō omnēs ferē Galliae cīvitātēs dē bellō cōnsultābant, nūntiōs lēgātiōnēsque in omnēs partēs dīmittēbant et quid reliquī cōnsiliī caperent atque unde initium bellī fieret explōrābant, nocturnaque in locīs dēsertīs concilia habēbant. ⑤Neque ūllum ferē tōtīus hiemis tempus sine sollicitūdine Caesaris intercessit, quīn aliquem dē cōnsiliīs ac mōtū Gallōrum nūntium acciperet. ⑥In hīs ab Lūciō Rōsciō [quaestore], quem legiōnī tertiae decimae praefēcerat, certior factus est magnās Gallōrum cōpiās eārum cīvitātum quae Aremoricae appellantur, ⑦oppugnandī suī causā convēnisse neque longius mīlia passuum octō ab hībernīs suīs āfuisse, sed nūntiō adlātō dē victōriā Caesaris discessisse, adeō ut fugae similis discessus vidērētur.
- 注記
注解
編集1項
編集
- 語釈
訳文
編集- 訳文は、ガリア戦記_第5巻#53節
脚注
編集- ^ 原文テキストについてはガリア戦記/注解編#原文テキストを参照。
- ^ 整形テキストについてはガリア戦記/注解編#凡例を参照。