ガリア戦記 第5巻/注解/6節

C · IVLII · CAESARIS · COMMENTARIORVM · BELLI · GALLICI

LIBER · QVINTVS

原文テキスト

6.    ¹Erat una cum ceteris Dumnorix Aeduus, de quo ante ab nobis dictum est.    Hunc secum habere in primis constituerat, quod eum cupidum rerum novarum, cupidum imperi, magni animi, magnae inter Gallos auctoritatis cognoverat.    ²Accedebat huc quod in concilio Aeduorum Dumnorix dixerat sibi a Caesare regnum civitatis deferri;    quod dictum Aedui graviter ferebant, neque recusandi aut deprecandi causa legatos ad Caesarem mittere audebant.    ³Id factum ex suis hospitibus Caesar cognoverat.    Ille omnibus primo precibus petere contendit ut in Gallia relinqueretur, partim quod insuetus navigandi mare timeret, partim quod religionibus impediri sese diceret.    ⁴Postea quam id obstinate sibi negari vidit, omni spe impetrandi adempta, principes Galliae sollicitare, sevocare singulos hortarique coepit uti in continenti remanerent;    metu territare:    ⁵non sine causa fieri ut Gallia omni nobilitate spoliaretur;    id esse consilium Caesaris ut quos in conspectu Galliae interficere vereretur hos omnis in Britanniam traductos necaret;    ⁶fidem reliquis interponere, ius iurandum poscere ut quod esse ex usu Galliae intellexissent communi consilio administrarent.    ⁷Haec a compluribus ad Caesarem deferebantur.

---

テキスト引用についての注記

整形テキスト

VI.    ^①Erat ūnā cum cēterīs Dumnorīx Haeduus, dē quō ante ab nōbīs dictum est.     Hunc sēcum habēre in prīmīs cōnstituerat, quod eum cupidum rērum novārum, cupidum imperiī, magnī animī, magnae inter Gallōs auctōritātis cognōverat.     ^②Accēdēbat hūc quod in conciliō Haeduōrum Dumnorīx dīxerat sibi ā Caesare rēgnum cīvitātis dēferrī;     quod dictum Haeduī graviter ferēbant, neque recūsandī aut dēprecandī causā lēgātōs ad Caesarem mittere audēbant.     ^③Id factum ex suīs hospitibus Caesar cognōverat.     Ille omnibus prīmō precibus petere contendit ut in Galliā relinquerētur, partim quod īnsuētus nāvigandī mare timēret, partim quod religiōnibus impedīrī sēsē dīceret.     ^④Posteā quam id obstinātē sibi negārī vīdit, omnī spē impetrandī adēmptā, prīncipēs Galliae sollicitāre, sēvocāre singulōs hortārīque coepit utī in continentī remanērent;     metū territāre:     ^⑤nōn sine causā fierī ut Galliā omnī nōbilitāte spoliārētur;     id esse cōnsilium Caesaris ut quōs in cōnspectū Galliae interficere verērētur hōs omnēs in Britanniam trāductōs necāret;     ^⑥fidem reliquīs interpōnere, iūs iūrandum poscere ut quod esse ex ūsū Galliae intellēxissent commūnī cōnsiliō administrārent.     ^⑦Haec ā complūribus ad Caesarem dēferēbantur.

---

注記

• 原文の Aeduī, Aeduōrum, Aeduus, imperī, omnīs などは、
  それぞれ Haeduī, Haeduōrum, Haeduus, imperiī, omnēs などとした。

注解

1項

語釈

訳文

• 訳文は、ガリア戦記_第5巻#6節

関連項目

• ガリア戦記
  • ガリア戦記/注解編
    • ガリア戦記 第5巻/注解
  • ガリア戦記/用例集